Efectos secundarios do xersei de punto

Se es un mozo sen principios, so tes que por o xersei axeitado.

servido por Rodrigo 2 comentarios compártelo

Os blogues galegos máis populares

Kedeune publica unha lista dos blogues galegos máis importantes, según technorati.

Visto en Código Cero

servido por Rodrigo 2 comentarios compártelo

Roi Entrambasaguas Varela

Hai uns meses preguntabamos por nomes para o noso sobriño. Ao final vai ser Roi e ten bitácora de seu. Polo de agora, nada máis que unha ecografía, pero espero que vaia medrando pouco a pouco.

servido por Rodrigo 3 comentarios compártelo

Feng shui para durmir mellor

Levo días durmindo mal. Desde que estou nesta nova habitación esperto varias veces polas noites e ao amencer apenas teño forzas para me erguer.

Teño que solucionalo porque apenas rindo o resto do día. Decidín probar co Feng Shui. Contos de vellas dirán algúns, pero eu cada día confío máis nestas outras "ciencias". Polo xeral o occidente civilizado non cre máis que en datos tabulados e fórmulas . Eu penso que a natureza é demasiado complexa e o método científico nada máis que un camiño dos moitos existentes para tentar comprendela, non a explicación definitiva. Cada civilización analiza a Natureza e codifica e transmite os seus coñecementos de distintos xeitos.

O Feng Shui é complexo; por sorte, atopei certa información sinxela respecto as habitacións.

• Recomendan orientar a cama ao norte ou ao oeste; eu a teño mirando cara o sur.
• Tampouco se debe ter preto da cabeceira de enchufes ou aparellos eléctricos i eu teño un ordenador máis o enchufe correspondete.
• A cabeceira está tamén na parede que dá ao baño, cousa que non se debe facer.

Dareille a volta a cama e dun so paso oriento a cama ao sur e a separo de enchufes, aparellos e o baño. Confío en comenzar a durmir un pouco mellor.

servido por Rodrigo sin comentarios compártelo

Unha década despois

Hai 10 anos, nun concerto de Abe Rádabe na Borriquita de Belem (Santiago), coñecín a Jesse Lichtenstein. Era un estudante de Harvard que se estaba a gañar uns cartos revisando a información publicada nunhas guías turísticas. Un deses traballos que a todo estudante lle gostaría ter.

Ao día seguinte xantamos no piso que eu compartía cuns amigos en Santiago. Tamén fixemos un intercambio de libros: el levou un libro moi entretido sobre a historia de España e eu quedei con The New York Trilogy de Paul Auster, e Daisy Miller de Henry James. Despedímonos e non volvimos vernos ata uns anos máis tarde. Agora non sei por onde andará.

The New York Trilogy linna na liña 6 e a 10 do Metro de Madrid, de Puerta del Ángel a Cuzco, ida e volta, 5 días á semana; luces fluorescentes, ruido mecánico e unha masa impersoal ambientaban a novela.

Daisy Miller viaxou moito conmigo e sempre estaba presenta onde eu estivera porque era moi pequecho e se podía transportar con comodidade. O tamaño tamén lle daba aspecto de belisco de literatura, un libriño para ler nunha carreiriña de can. Supoño que esta foi a razón polo que sempre fun adiando a súa lectura.

Este domingo mentras esperaba a Dimas, vinno enriba dunha caixa e decidín que xa era hora. Onte pola noite, 10 anos despois, por fin rematei o outro agasallo de Jesse.

servido por Rodrigo sin comentarios compártelo

Unha radio africana feita na Alemaña

Na lista de radios do iTunes descubrín African Music Radio. Levo un par de días a escoitala e éche moi alegre. Non é paradóxico que un continente tan maltratado teña músicas populares tan alegres?

servido por Rodrigo sin comentarios compártelo

Bitácora para solucionar dúbidas do galego

En Código Cero falan de Dúbidas, unha bitacora na que se irán comentando dúbidas sobre a nosa lingua.

Eu xa a teño engadida ás miñas ligazóns.

servido por Rodrigo 5 comentarios compártelo

Libertad Digital en galego

Para todos nós, e grazas á Vieiros e Dimensiona, podemos desfrutar aínda máis dun dos nosos iluminados favoritos: agora Federico Jiménez Losantos pode lerse en galego.

servido por Rodrigo sin comentarios compártelo